समाजका बेथिति र भुईमान्छेका समस्या साहित्य मार्फत उजागर
- विश्वास खवर / शनिबार, माघ ६, २०८० १७:५०
- विश्वास खवर / शनिबार, माघ ६, २०८० १७:५०
विश्वास खवर।
साहित्य शृङ्खलाको २५६औ रचनावाचन तथा २१औ सिर्जना आलोक शृङ्खला सार्वजनिक।
साहित्य शृङ्खलाको नियमित रचनावाचन तथा सृजना आलोक शृङ्खलाको २१औ अङ्क लोकार्पण सम्पन्न भएको छ।
उक्त कार्यक्रममा सिर्जना आलोकको परिचर्चा संस्थाका पूर्व संयोजक भीम रानाभाटले गर्नुभएको थियो। विशेषतः सामाजिक वेथिति र भुइँमान्छेका समस्या उजागर गर्ने उदेश्यले प्रकाशनको सुरुवात गरेको आलोकले आफ्नो उद्देश्य पुरा गर्न अझै धेरै मिहिनेत गर्न बाँकी रहेको विचार रानाभाटले व्यक्त गर्नुभएको थियो।उक्त कार्यक्रममा कवि नुमराज बराल, छविलाल आचार्य,स्ट्रगल राना, अल्पविराम पोखरेली, लक्ष्मीप्रसाद पौडेल, परशुराम कोइराला,नारायण परिश्रमी, दिलिप दोषी वरिष्ठ कलाकार यादवचन्द्र भुर्तेल,सन्तोष न्यौपाने, लोकनाथ पुडासैनी आदिले रचना वाचन गर्नुभएको थियो।
रघुनाथ अधिकारीले लेखकले लेखन मात्र होइन लेखन जस्तै व्यवहारमा पनि परपीडक हुनुहुँदैन भन्ने विचार राख्नुभयो।वामपन्थी चिन्तक रामराज रेग्मीले लेखकले सोचाइ फराकिलो बनाइ, अध्ययनशील बनी आफूलाई पारङ्गत बनाउनुपर्ने धारणा राख्नुभयो।प्राज्ञ नारायण मरासिनीले सम्पादनको कार्य निकै कठिन भएको भन्दै भाव र बिचार नमारी सकेसम्म शुद्धतामा ध्यान दिनुपर्ने बिचार राख्नुभयो।
संस्थाका अध्यक्ष लक्ष्मी थापाको अध्यक्षतामा सम्पन्न उक्त कार्यक्रमको सञ्चालन सचिव काजी गाउँलेले गर्नुभएको थियो। कार्यक्रममा संस्थाका, उपाध्यक्ष तारा तिमिल्सिनाले अथितिलाई शब्दसुमनद्वारा स्वागत गर्नुभएको थियो।