पालिकाले दिएको सरकारी मोटरसाइकल वडाध्यक्षले गरे फिर्ता । ।
- विश्वास खवर / मंगलबार, माघ २३, २०८० २०:२७
- विश्वास खवर / मंगलबार, माघ २३, २०८० २०:२७
विश्वास खवर
सिन्धुपाल्चोक जिल्ला हेलम्बु गाउँ पालिका ३ न. वडा अध्यक्ष दिपक खड्काले पालिका बाट चड्दै आएको सरकारी नम्बर प्लेटको मोटरसाइकल पालिकालाई फिर्ता गरेका छन। खड्का गत स्थानीय तहको निर्वाचनमा नेकपा एमाले बाट निर्वाचित अध्यक्ष हुन। मंगलबार सामाजिक संजाल मार्फत विज्ञप्ती सार्बजनिक गर्दै उनले मोटरसाइकल फिर्ता गरेका हुन। उनले गाउँपालिकाको मर्मत, ईन्धन लगायत शिर्षकमा वढ्दो खर्चको कारणले आफु यो निर्णयमा पुगेको बताए। उनी लेख्छन।
मितिः २०८०/१०/२३
प्रेस विज्ञाप्ती
मिति २०७९/०१/३० गतेको स्थानीय तहका सदस्यहरुको निर्वाचनमा म दिपक खड्का सिन्धुपाल्चोक जिल्ला हेलम्वु गाउँपालिका वडा नं-३ को वडा अध्यक्षमा निर्वाचित भएको व्यहोरा अवगत नै छ। उक्त सम्वन्धमा मैले जनप्रतिनिधि भए पश्चात उपभोग गर्दै आएको सरकारी मोटरसाईकल आजको मितिमा गाउँपालिका फिर्ता गर्ने निर्णय गरेको छु। गाउँपालिकाको मर्मत, ईन्धन लगायत शिर्षकमा वढ्दो खर्चको कारणले मैले यो निर्णय लिएको छु। परिवर्तन र सुशासन आफैवाट सुरु गर्नु पर्छ भन्ने मान्यतालाई आत्मसात गर्दै मैले विगतमा लिदै आएको मोटर साईकल सुविधा फिर्ता गरि खर्चमा मितव्यीता कायम गरि आर्थिक अनुशासन कायम गर्न सघाउ पुग्छ भन्ने विश्वास गरेको छु।