नेपालमा बैंकहरुको अवस्था सुरक्षित - गभर्नर
नेपाल राष्ट्र बैंकका गभर्नर महाप्रसाद अधिकारीले नेपालमा बैंकहरुको अवस्था सुरक्षित रहेको र सानोतिनो धक्काले जाेखिम आउने अवस्था नरहेको बताउनु भएको छ
- विश्वास खबर / मंगलबार, चैत २८, २०७९ १6:०७
- विश्वास खबर / मंगलबार, चैत २८, २०७९ १6:०७
चैत २८, नेपाल राष्ट्र बैंकका गभर्नर महाप्रसाद अधिकारीले नेपालमा बैंकहरुको अवस्था सुरक्षित रहेको र सानोतिनो धक्काले जाेखिम आउने अवस्था नरहेको बताउनु भएको छ ।नेपाल राष्ट्र बैंकले चालु आर्थिक वर्ष २०७९८० को ८ महिनाको वर्तमान आर्थिक तथा वित्तीय स्थितिसम्बन्धी तथ्यांक सार्वजनिक गर्न आयोजित कार्यक्रममा गभर्नर अधिकारीले यस्तो बताउनु भएको हो ।
उहाँले नेपाली बैंकको पुँजी पर्याप्तता अनुपात तोकिएको ११ प्रतिशतभन्दा धेरै रहेको, खराब कर्जा बढेको भएपनि चिन्ताजनक अवस्था नरहेको र बैंकहरूको खुद तरलता अनुपात २४ प्रतिशत रहेको बताउनु भयो।
राष्ट्र बैंकका अनुसार मुलुकको शोधनान्तर १ खर्ब ४८ अर्ब पुगेको छ।
आर्थीक सूचक सुधार हुँदा पनि ब्याजदर केही माथि भएको भए पनि फागुनदेखि बेसरेट घट्दो दरमा पुगेको उनको भनाइ छ ।
मासिक रेमिटेन्स औषत ९९ अर्बले भित्रिरहेको पनि राष्ट्र बैंकको तथ्यांकले देखाएको हो। फागुन महिनामा मात्रै १ खर्ब ४ अर्ब रुपैयाँ रेमिटेन्स भित्रिएको छ।
मुलुकको विदेशी मुद्रा सञ्चिति १० ।७ अर्ब डलर पुगेको छ। यस्तो सञ्चितिले ९ महीना १२ दिनको वस्तु तथा सेवाको आयात धान्न सक्छ। अर्थतन्त्रको शिथिलता आगामी दिनमा सुधार हुने उहाँको भनाइ छ । बैंक र व्यवसायीले आगामी दिनमा उच्च मनोबलका साथ काम गर्ने उहाँले विश्वास ब्यक्त गर्नुभएको छ ।