मनास्लु क्षेत्रमा रहेको वीरेन्द्र तालमा हिमपहिरो
गोरखाको उत्तरी भागमा रहेको चुमनुव्री गाउँपालिकास्थित मनास्लु क्षेत्रमा रहेको वीरेन्द्र ताल फुटेको छ । ताल फुटेर तल्लो तटीय क्षेत्रमा बाढी आएको गाउँपालिका त्यहाँका स्थानियले..
- विश्वास खबर / आइतबार, बैशाख ९, २०८१ १०:५८
गोरखाको उत्तरी भागमा रहेको चुमनुव्री गाउँपालिकास्थित मनास्लु क्षेत्रमा रहेको वीरेन्द्र ताल फुटेको छ । ताल फुटेर तल्लो तटीय क्षेत्रमा बाढी आएको गाउँपालिका त्यहाँका स्थानियले जानकारी दिएका छन्।
‘ताल फुटेको जानकारी पाएका छौं। ताल फुटेर सामागाउँको काठेपुल बगाएको जानकारी पाएका छौं। अहिलेसम्म बस्तीमा चाहिँ क्षति पुगेको छैन,’ गाँउपालिकाका अध्यक्षा नीमा लामाले भने।
त्यहाँका प्रहरी प्रमुख अञ्जन पौडेलले तालमा हिउँको ढिक्का र चट्टान थुप्रिएको बताउनु भयो । उनका अनुसार तालबाट पानी गहिरिएर बगेको छ । ‘मनास्लु बेसक्याम्पबाट हिउँ पहिरो गयो । तालमा हिउँ खस्यो । ढिक्का र चट्टान तालमा छ । पानी र हिउँको आकार बढी भएर बाटो खोज्ने क्रममा ताल बग्ने खोला अझै गहिरो बनाएर खोलिएको छ,’ ।
वीरेन्द्र ताल फुट्दा, चुमनुव्री, धार्चे गाउँपालिकाको तटीय क्षेत्रमा जोखिम बढेको छ।
‘ताल फुटेको नभइ तालमाथि रहेको हिउँको ढिस्को झरेको जानकारी आएको छ। हामीले तटीय क्षेत्रमा रहेका बासिन्दालाई सतर्क रहन भनेका छौं। बाढी धेरै ठूलो छैन। वर्षामा आउने भेलजस्तै रहेको स्थानीयले बताएका छन्,’ उनले भने।